Minsan ba napaisip ka na kung bakit hindi ka pinili? Ito ang para sayo.
Bakit siya pa
Kung pwede namang ako
Higit na mas mahal kita
Pero hindi mo makita
Laging siya ang nasa mata mo
Bukambibig kada minuto
Sinusulyapan segu-sugundo
Hindi mo ko mapaglaanan
Masuklian man lang ang nararamdaman
Hindi ko alam kung manhid ka
O wala ka lang pakialam
Kahit ako itong nagmamahal
Siya pa rin ang pinaglalaanan mo
Ng oras at atensyon na kahit kailan
Sa akin hindi mo naibigay
Pero anong ginagawa niya?
Binabasura ka
Iniiwasan at ayaw makita
Paano niya yun nagagawa
Sa taong sobra kong sinisinta
Pero hindi kita maintindihan
Bakit pilit kang naghahabol
Sa taong hindi ka gusto?
Sabagay, ganoon din ako sa’yo
Kaya ang tanong ko
Bakit hindi ka na lang tumigil
Sa kakahabol sa kanya
Dahan-dahan kang tumigil
Saka ako lingunin
Bakit hindi ka na lang sa akin tumakbo?
Pangako, sasalubong ako sayo
Pero alam kong di mo gagawin
Tulad ng tanong na alam ko ang sagot
Pero ayaw kong aminin
Hindi ko matanggap ang dahilan
Bakit hindi ako?
Dahil hindi ako ang mahal mo
Pero sana sagutin mo ito
Sa dami-dami ng taong tulad ko
Handa kang sambutin
Bakit siya pa ang pinili mong mahalin?
Ang sarap umibig sa taong mahal ka rin. Pag natagpuan mo na siya, huwag mo nang pakawalan pa. For more blogs, visit malungkot.com! Enjoy and feel my pain 🙂 Happy reading.
